नेपाल सरकार
गृह मन्त्रालय
जिल्ला प्रशासन कार्यालय,
हुम्ला


  हुम्ला जिल्लाको एक परिचय

 

      हुम्ला जिल्ला : संक्षिप्त परिचय

         १.१   जिल्ला परिचय

हुम्ला जिल्ला वर्तमान संघिय संरचना अनुसार प्रदेश नं ६ अन्तर्गत कर्णाली अञ्चलको उत्तर पश्चिम भागमा अवस्थित छ ।भौगोलिक क्षेत्रको हिसावले नेपालको दोश्रो ठूलो जिल्ला र जनघनत्वको हिसावले सबभन्दा कम जनघनत्वको दोश्रो श्रेणीमा यो जिल्ला पर्न आउँछ । मानव विकास सूचाकाङ्कको हिसाबले   हुम्ला जिल्ला एचडिआई भ्यालु ०.४३२ सहित ७४ औ स्थानमा रहेको छ ।

अझैसम्म पनि यो जिल्ला सडकको राष्ट्रिय सञ्जालमा जोडिन सकेको छैन । त्यसैले यो जिल्लाको विकासको प्रवेशद्धार अझै सम्म खुल्न सकेको छैन भन्न सकिन्छ । राष्ट्रिय सडक संजालसंग नजोडिएकोले जिल्लामा उपलब्ध श्रोत साधनलाई प्रभावकारी ढंगले उपयोग गर्न गर्न सकिएको छैन ।

       यस जिल्लाको सदरमुकाम सिमकोट हो र यसलाई तिब्बतको सिमासँग सडक यातायातले जोड्ने प्रयास गरिएको छ भने नेपालको अन्य ठाउँबाट पुग्ने साधन भनेको नेपालगञ्ज सिमकोट तथा सुर्खेत सिमकोटको हवाई मार्ग मात्र हो ।

१.२ प्रशासनिक तथा राजनीतिक विभाजन

भौगोलिक अवस्थिति हेर्दा हुम्ला जिल्ला २९º ३५'' देखि ३०º ५७'' उत्तरी अक्षांश र ८१º १८'' देखि ८२º १०'' मिनेट पूर्वी देशान्तर सम्म फैलिएको छ । कूल ५,६५५ वर्ग किलोमिटर क्षेत्रफल ओगटेको यस जिल्ला नेपालमा डोल्पा पछिको दोश्रो ठूलो क्षेत्रफल भएको जिल्ला हो । हुम्ला समुद्र सतहबाट १,५२४ मिटर देखि ७,३३७ मिटरमा उचाइमा अवस्थित रहेको यस जिल्लाको पूर्वमा मुगु, दक्षिणमा बाजुरा र मुगु, उत्तरमा चीनको स्वशासित क्षेत्र तिब्बत र पश्चिमा बझाङ्ग र चिनको स्वशासित क्षेत्र तिब्बत पर्दछन् । भौगोलिक क्षेत्र र बनौटको हिसावले हेर्दा यस जिल्लालाई उच्च हिमाली क्षेत्र, उच्च पहाडी क्षेत्र र पहाडी तथा नदीको बेसी क्षेत्र गरी ३ भागमा बाँडिएको छ ।

       प्रशासनिक हिसावले हेर्दा हुम्ला जिल्ला संघिय संरचना अनुसार प्रदेश नं ६ अन्तर्गत कर्णाली अञ्चलमा पर्दछ । सात गाउँपालिकामा विभाजित हुम्ला जिल्लामा एक मात्र निर्वाचन क्षेत्र रहेको छ । यस जिल्लाको सदरमुकाम सिमकोट हो जुन समुद्र सतह देखि २९४५ मिटर उचाईमा अवस्थित छ । हुम्ला जिल्लाको राजनीतिक तथा प्रशासनिक विवरण तलको तालिका मा प्रस्तुत गरिएको छ ।

१.३ हुम्ला जिल्लाको प्रशासनिक विभाजन

प्रदेश नं. ६                        गाउँपालिका संख्या : ७                         निर्वाचन क्षेत्र : १

क्र.सं.

स्थानीय तहको नाम

वडा संख्या

महिला

पुरुष

जम्मा

अदानचुली गाउँपालिका

३५७५

३५६५

७१४०

खार्पुनाथ गाउँपालिका

३०४५

३०००

६०४५

चंखेली  गाउँपालिका

२७२९

२८१२

५५४१

ताँजाकोट गाउँपालिका

३०१६

२९६०

५९७६

नाम्खा गाउँपालिका

२११३

२१३७

४२५०

सर्केगाड गाउँपालिका

४८९१

४९७७

९८६८

सिमकोट गाउँपालिका

५६५६

६३८२

१२०३८

जम्मा

४४

२५०२५

२५८३३

५०८५८

 

  • जि.प्र.का हुम्लाबाट सम्पादित महत्वपूर्ण कार्यहरु: --

     मिति २०७४।०२।२४ (तद्अनुसार ०७ जुन, २०१७) मा जिल्ला प्रशासन कार्यालय हुम्ला र जनवादी गणतन्त्र चीनको बुराङ इमिग्रेशन इन्सपेक्सन स्टेशनका प्रमुखहरु क्रमशः प्र.जि.अ. श्री धनप्रसाद शर्मा पौडेल र चीनको तर्फबाट बुराई इमिग्रेशन इन्सपेक्सन स्टे्शनका डाइरेक्टर श्री वाङ साओचेङ (Warng Shoucheng) को नेतृत्वमा चीनको ताक्लाकोटमा दुई देशका सुरक्षा अधिकारीहरु बीचमा सीमा प्रमुख बैठक बस्यो । उक्त बैठकमा दुई देशका एक आपसमा सुरक्षा एवं सामाजिक सरोकारका विषयमा सौहार्दपूर्ण रुपमा छलफल भई बैठक सम्पन्न भयो ।  शान्ति तथा पुनर्निर्माण मन्त्रालय राहत तथा पुर्नस्थापना इकाई बबरमहलबाट यस जिल्लाका द्वन्द प्रभावित भई मृत्युवरण गरेका १३१ व्यक्तिका हकदारलाई विगतमा लिएको ५ लाख रकममा थप ५ (पाँच) लाख…

NO record found


© सर्वाधिकार सुरक्षित गृह मन्त्रालय